Тадбиркор Баҳодир Абдуллаев “Ўзметкомбинат” АЖга раҳбар этиб тайинланди.
Савдо-саноат палатасининг 13 августда берган ахборотига кўра, у кузатув кенгаши қарори билан “Ўзметкомбинат” АЖ бошқарув раиси — бош директор вазифасини бажарувчи этиб тайинланди.
Баҳодир Абдуллаев 1967 йилда Наманган вилояти, Янгиқўрғон туманида туғилган. У таркибида 20 дан ортиқ корхонани бирлаштирган BА Holding таъсисчиси. 2022 йилда Тадбиркорлар куни муносабати билан “Меҳнат шуҳрати” ордени билан тақдирланган. Наманган вилоят Халқ депутатлар кенгаши депутати.
“Ўзметкомбинат” акциядорлик жамиятига 2024 йил октябридан буён Дилшод Аҳмедов раҳбарлик қилиб келаётганди. Ундан аввалги раҳбар Рашид Пирматов нафақага чиқиши муносабати билан ўз лавозимини тарк этганди.
Изоҳ (0)