АҚШ президенти Дональд Трамп 20 июль куни миллий хавфсизлик структурасининг олий мартабали амалдорлари билан учрашувда мамлакат ядровий арсеналини ўн баробарга ошириш ниятини билдирган эди. Бу ҳақда, NBC News телеканалига асосланиб, «Интерфакс» хабар бермоқда.
Айтилишича, Трамп АҚШда ядровий қурол сонининг қисқариши акс этган слайдга изоҳ бераркан, шундай сўзларни айтган.
Манбаларга кўра, бу билан президент АҚШ штаб бошлиқлари қўмитаси вакиллари ва давлат котиби Рекс Тиллерсонни ҳайратга солган. Улар ҳам йиғилишда иштирок этган.
Йиғилишда маърузачилар президентга ядровий арсенални ўстириш билан боғлиқ юридик ва амалий қийинчиликларни тушунтириб берган.
Изоҳ (0)