Dow Jones агентлигининг янгиликлар тасмасида 10 октябрь куни Google ва Apple компанияларининг қўшилиши ҳақида ҳақиқатга тўғри келмайдиган хабарлар пайдо бўлди, деб ёзади Meduza.
Хабарлардан бирида айтилишича, Google Apple’ни 9 миллиард долларга сотиб олмоқчи, олди-сотди ҳақида эса Стив Жобснинг васиятномасида қайд этилган. «Албатта, Google Apple’нинг ажойиб бош қароргоҳига кўчиб боради», — дейилади хабарда.
Хабарлар чоп этилгач, Apple акциялари нархи тахминан 155 доллардан 158 долларгача ўсди, аммо кейинроқ яна тушди.
Бу хабарларнинг барчаси ўчириб ташланди. Dow Jones’дагилар хабарлар техник хатолик туфайли чиқиб кетганини маълум қилиб, узр сўрашди.
Изоҳ (0)