Машқ қилишдан 2–3 соат олдин албатта овқатланиш зарур, акс ҳолда организм самарали ишлаши учун етарлича қувватга эга бўла олмайди.
Лекин бу овқатлар маълум бир тўйимли моддаларни ўз ичига олган бўлиши керак. Спорт билан шуғулланишдан олдин иложи борича ёғсиз, лекин оқсил ва углеводларга бой бўлган таомларни ейиш тавсия қилинади.
Қуйидаги оддий овқатларни 5-15 дақиқа ичида тайёрлаш, машқ қилишдан икки соат олдин ейиш ва керакли ҳамма тўйимли моддаларга эга бўлиш мумкин. Бундан ташқари, улардан тўйимли нонушта сифатида ҳам фойдаланиш мумкин.
Омлет ва бананли сули ёрмаси
Бу таомнинг бир порсиясида 13 г оқсил мавжуд, банан ва сули ёрмаси етарлича углеводлар билан таъминлайди.Масаллиқлар:
- ¾ стакан сули ёрмаси;
- 2 дона тухум;
- ¹⁄₂ стакан сут;
- 1 та банан;
- 1 чой қошиқ долчин.
Тайёрланиши:
Бананни санчқи ёки блендер ёрдамида пюре ҳолатига келтиринг. Ҳамма масаллиқларни кастюлкада аралаштиринг. Аралашмани одатдаги бўтқа ҳолатига келгунча паст оловда қайнатинг (5 дақиқа атрофида).Қулупнай ва ёнғоқли творог
Бу таом оқсил ва углеводларга жуда бой.Масаллиқлар:
- 1 стакан қулупнай;
- 2 стакан нонушта учун ёрма;
- 100 г дона-дона творог;
- 50 г йогурт;
- 30 г ёнғоқ;
- 1 чой қошиқ ванилли шакар;
- 1 чой қошиқ лимон шарбати;
- 1 чой қошиқ асал.
Творог, йогурт, ванилли шакар, асал ва лимон шарбатини аралаштиринг. Стакан ичига нонушта учун ёрма, творогли аралашма, қулупнай ва ёнғоқларни қатлам-қатлам қилиб жойлаштиринг.
Манба: «Zdorovie.com»