Рецепт жуда оддий, масаллиқлар эса уйингизда бўлмаса, энг яқинингиздаги дўкондан топилади.
Баъзи маълумотларга кўра, дастлабки рецепт инглиз ошпазлари томонидан қирол Георг III нинг рафиқаси Шарлотта учун ўйлаб топилган. У вақтларда пишириқ кўпроқ тирамисуни эслатган: бисквит бўлакларини сиропга ботириб олиб, олмали начинка билан кетма-кет қаватма-қават қўйишган. Ўтган юз йилликлар давомида рецепт тубдан ўзгариб кетди, аммо бундан шарлотка ўз мазасини йўқотмади, балки янги таъмларга ҳам эга бўлди.
Масаллиқлар:
- 4 та тухум
- 1 стакан шакар
- 1 стакан ун
- ½ чой қошиқ туз
- ½ чой қошиқ сода
- 3—4 та ўртача катталикдаги олма
Тайёрланиши:
Дастлаб тухум оқини сариғидан ажратинг. Чуқур идишда тухум оқини ½ стакан шакар билан қаттиқ кўпик ҳосил бўлгунича аралаштириб, кўпиртиринг: бу пирогни майин қилади.Тухум сариғини қолган шакар билан аралаштириб, тухум оқига қўшиб юборинг.
Ҳосил бўлган аралашмага эланган унни кам-камдан солинг ва яхшилаб аралаштиринг. Ун қуюқлиги бўйича сметанага ўхшаши керак.
Сода ва тузни қўшинг, аралаштиринг.
Олмаларни ювиб, ўртасини олиб ташланг ва тилим-тилим қилиб кесинг. Шарлотка учун қаттиқ навли олмадан фойдаланган маъқул, шунда пишиш пайтида мева бўлаклари бўтқага айланиб қолмайди.
Формани бироз ўсимлик ёғи билан ёғланг. Тубига олмаларни қўйинг. Сўнг устидан хамирни қуйинг, олма бўлаклари тўлиқ ёпилсин.
180 даражагача қиздирилган духовкада 30—45 дақиқа давомида пиширинг.
Пирогнинг устки қисми оч жигарранг тусга кириши билан унинг пишган-пишмаганлигини гугурт чўпи ёрдамида текшириб кўринг.
Шарлоткани дастурхонга тортишда, устига шакар упаси сепинг, мевалар ёки музқаймоқ бўлаги билан безатинг.
Манба: «Лайфхакер»
Изоҳ (0)