Қотган нондан фойдаланишнинг 3 усули
Қотган нон бўлакларини ташлаб юборишга шошилманг. Улар жуда мазали ва тўйимли таомларнинг асосий масаллиғи ҳисобланади.
Нонли пудинг
Масаллиқлар:
- қотган нон;
- 2 стакан сут;
- 2 дона тухум;
- 2 чой қошиқ сариёғ;
- ⅓ стакан шакар;
- бир чимдим туз;
- ванилин.
Каттароқ идиш ичида сут, ёғ, ванилин, туз ва шакарни аралаштиринг.
Идишни ўртача оловга қўйинг ва ёғ эригунча кутинг.
Формага ёғ суриб қўйинг.
Нонни кубик шаклида кесинг ва форма ичига жойлаштиринг.
Тухумларни чақинг ва совиган сутли аралашмага қўшинг. Яхшилаб аралаштиринг.
Аралашмани нон бўлаклари устидан қуйинг.
Духовкада 35–40 дақиқа давомида пишириб олинг. Нон чеккалари қизариб пишиши керак.
Тайёрлаш жараёнида сиз ўзингизга ёққан мевалар, шоколад ёки зираворлар ҳам қўшишингиз мумкин.Панцанелла
Шундай деб аталувчи итальянча сабзавотли салат. Бу ажойиб ёзги таом кўпчиликка манзур бўлади.
Масаллиқлар:
- қотган нон;
- помидор;
- пиёз;
- зайтун ёғи;
- гиёҳлар;
- сирка;
- райҳон;
- мурч;
- туз.
Нонни кубик шаклида тўғранг. Олдиндан уни бироз қовуриб олиш мумкин.
Нонга тўғралган помидор ва пиёзни қўшинг.
Бироз сирка, гиёҳларни, зайтун ёғини, мурч ва тузни солиб аралаштиринг.
Салатга райҳон ва таъбга кўра бошқа зираворлар қўшинг.
Нонга яхшироқ сингиши учун салатни ҳеч бўлмаса ярим соат қолдиринг.Нон увоқларидан зиравор
Нон увоқлари салатлар, сендвичлар ва бошқа таомлар учун ажойиб зираворлар бўлиши мумкин.
Бунинг учун қотган нон увоқларини лимон пўсти ёки зайтун ёғи, саримоқ пиёз ва кўкатлар билан аралаштириш мумкин.
