53 ёшли Австралия фуқароси Дубай аэропортида ҳуқуқ-тартибот органлари ходимларига ҳужум қилди, деб ёзади UAE Inside.
Сиднейга отланган эркак самолётнинг носозлиги туфайли Дубайда ушланиб қолди. Йўловчиларни тўрт соат куттириб қўйганидан кейин, авиакомпания рейс кейинги кунга қолдирилганини маълум қилди ва уларга Дубай меҳмонхонасида тунашни таклиф этди.
Юкларни текшириш вақтида австралиялик ўз юкини сканерловчи тасмага қўйишдан бош тортди. Аэропорт ходимлари ундан сумка ичидаги нарсаларни кўрсатишни сўради, бунга рад жавоби олгач, полиция ходимларини чақиришга мажбур бўлди.
Эркак етиб келган полициячиларга овозини баландлатиб, уларни ҳақорат қилишни бошлади. Йўловчига кишан солишга уринган полициячиалрга австралиялик жисмоний қаршилик кўрсатди ва бир полициячининг оёғига шикаст етказди.
Эркак Дубай судига юборилди, аммо у суд мажлисига келмади. Унинг иши бўйича ҳукм 22 октябрга белгиланган.
Изоҳ (0)