Владимир Путиннинг давомчилари рейтинги тузилди

Россиянинг «Петербург сиёсати» жамғармаси экспертлари президент Путиннинг давомчилари рейтингини тузди, деб ёзади «Ведомости».

Унда биринчи ўринни ҳукумат раҳбари Дмитрий Медведев банд этди. Ундан кейин Москва мэри Сергей Собянин жойлашди. Учинчи ўринда эса — Тула вилояти губернатори Алексей Дюмин. Юқори бешликдан мудофаа вазири Сергей Шойгу ва Федерация кенгаши раиси Валентина Матвиенко ҳам ўрин олди.

Рейтингнинг кейинги поғоналарини фуқаролар ташаббуслари қўмитаси раиси Алексей Кудрин, президент маъмурияти раҳбари биринчи ўринбосари Сергей Кириенко, президент маъмурияти раҳбари Антон Вайно, Давлат думаси раиси Вячеслав Володин ва «Роснефть» президенти Игорь Сечин эгаллади.

Рейтинг шарҳида айтилишича, «давомчи» деганда «энг яқин кадрлар захирасидаги олий даражали номзод» кўзда тутилган.