Эрон Шимолий Кореяни молиялаштирмоқда ва у билан савдо-сотиқ олиб бормоқда. АҚШ президенти Дональд Трамп TBN телекомпаниясига берган интервьюсида шундай фикр билдирди, дея маълум қилди «ТАСС».
«Эронликлар Шимолий Кореяни маблағ билан таъминлаётгани, савдо-сотиқ қилаётгани, иш олиб бораётганига ишончим комил. Бунга мутлақо йўл қўйиб бўлмайди. Гарчи бунинг келишувга бевосита алоқаси бўлмаса ҳам, тааллуқли томонлари бор деб ўйлайман», — деди Трамп.
АҚШ президенти мамлакат Эрон билан ядро келишуви доирасидаги мажбуриятларини бажаришда давом этиши ёки йўқлиги ҳақидаги саволга жавобан Трамп: «Яқин орада қандай қарор қабул қилишимга гувоҳ бўласиз. Эрон — ёмон ўйинчи ва у билан шунга яраша муносабатда бўлинади», — деб жавоб берди.
Эслатиб ўтамиз, олдинроқ The Washington Post АҚШ президенти Дональд Трамп келгуси ҳафта Эрон ядро дастури бўйича битим тўхтатилиши ҳақида эълон қилишини билдирган эди.
Изоҳ (0)