КХДР иқтисодиёти ва ракета-ядро дастурини параллел ривожлантиришда давом этади. Бу ҳақда 8 октябрь, якшанба куни Корея марказий телеграф агентлиги маълум қилди, дея хабар беради «ТАСС».
Ким Чен Ин Корея Меҳнат партиясининг 2016 йил май ойидан бери биринчи бор ўтказилган пленумида шундай баёнот берди.
Шимолий Корея раҳбари республика «мустақиллиги, мавжудлик ва ривожланишга бўлган ҳуқуқини бўғишга интилаётган, вассаллари ёрдамида санкцияларни қалаштираётган» АҚШни кескин танқид қилди.
Ким Чен Инга кўра, ишларнинг жорий ҳолати «параллел ривожланиш сиёсати мутлақо тўғри бўлганини кўрсатди ва республика бу йўналишда ҳаракатланишда давом этади».
Изоҳ (0)