АҚШ президенти Дональд Трампнинг биринчи рафиқаси Ивана давлат раҳбарининг Чехия элчиси бўлиш ҳақидаги таклифини нега қабул қилмаганини тушунтирди. Бу ҳақда, CBS телеканалига асосланиб, «РИА Новости» хабар бермоқда.
Ивананинг сўзларига қараганда, президент бу лавозимни унга таклиф қилган, аммо аёл ўз турмуш тарзи ва эркинлигидан воз кечишни истамаган.
«Нега қишки Майами, ёзги Сан-Тропе, кузги ва баҳорги Нью-Йорк билан хайрлашишим керак? Менинг ҳаётим ажойиб», — маълум қилди Ивана.
Ивана Зелничкова (Трамп) Чехословакияда туғилган. У Дональд Трамп билан 1977–1992 йилларда бирга яшаган. Собиқ актриса ва фотомодель охирги йилларда бизнес ва китоб ёзиш билан шуғулланмоқда.
Изоҳ (0)