AQSh prezidenti Donald Trampning birinchi rafiqasi Ivana davlat rahbarining Chexiya elchisi bo‘lish haqidagi taklifini nega qabul qilmaganini tushuntirdi. Bu haqda, CBS telekanaliga asoslanib, “RIA Novosti” xabar bermoqda.
Ivananing so‘zlariga qaraganda, prezident bu lavozimni unga taklif qilgan, ammo ayol o‘z turmush tarzi va erkinligidan voz kechishni istamagan.
“Nega qishki Mayami, yozgi San-Trope, kuzgi va bahorgi Nyu-York bilan xayrlashishim kerak? Mening hayotim ajoyib”, — ma’lum qildi Ivana.
Ivana Zelnichkova (Tramp) Chexoslovakiyada tug‘ilgan. U Donald Tramp bilan 1977–1992-yillarda birga yashagan. Sobiq aktrisa va fotomodel oxirgi yillarda biznes va kitob yozish bilan shug‘ullanmoqda.
Izoh (0)