Нидерландиянинг Брюммен шаҳрида истиқомат қилувчи Рилана Хамер Аction дўконидан унчалик катта бўлмаган веб-камера сотиб олди. Аёл ушбу қурилма орқали уйидан узоқда жойлашган кучукчасини кузатишни мақсад қилган. Аммо бироз вақтдан сўнг, камера аёлга қараб гапирган ва мустақил равишда айлана бошлаган, деб хабар берди TJournal.
Ақлдан озаяпман деб ўйладим. Кунларнинг бирида меҳмонхонадан қандайдир товушларни эшитиб қолдим. Бориб қарасам, камера ўзи мустақил айланяпти. Қурилмага менга қараб бурилди ва мен «Салом хоним» (француз тилида) деган овозни эшитдим. Мен ўнгга ва чапга ҳаракат қилдим, бироқ камера менинг ортимдан бурилишни давом этди.Аввалига аёл қурилманинг ҳаракатига эътибор бермаган, бироқ у тушунарсиз овозлар чиқаришни давом этаверган. Ниҳоят Хамер камерага тўғридан-тўғри мурожаат қилган: «Салом, бу ерда кимдир борми?». Қурилма яна француз тилида жавоб қайтарган: «Салом хоним, аҳволингиз яхшими». Шундан сўнг, аёл қурилмни электр манбаидан узиб, қутига солиб қўйган.Рилана Хамер
Хамер буни қандайдир хакер амалга оширмоқда, деган фикрга борган ва бўлиб ўтган воқеани дўстига сўзлаб берган. Улар камерадаги суҳбатни ёзиб олиш учун қурилмани қутидан олишган. Бироз вақтдан сўнг, овоз яна эшитилган. «Салом, сиз французча гапира оласизми?», — дея сўраган хакер инглиз тилида. Унга жавобан Хамер «уйимдан йўқол», дея бақира бошлаган.
Орадан бироз вақт ўтгач Хамер камерани дўконга қайтариб оборган, ҳозирда дўконнинг техник жамоаси воқеа батафсил текширмоқда.
Вазият етказиб берувчи томонидан текширилмоқда. Носозлик камерадами ёки паролларни нотўғри ишлатиш ва Wi-Fi’га уланишдаги хатоликдами, шуни аниқлаш лозим.Бундай ҳол биринчи марта содир бўлиши. Қурилма май ойидан бери сотувда ва деярли барча моделлар ўз харидорини топиб бўлган. Биз гап нимада эканлигини аниқлашимиз даркор.
Аction дўкони вакили
Изоҳ (0)