Илгари хабар қилинганидек, Қирғизистон президенти Алмазбек Атамбаевнинг Ўзбекистонга ташрифи доирасида икки томонлама ҳужжатларни имзолаш маросими бўлди. Жами ўндан ортиқ ҳужжат имзоланди.
Қирғизистон президентининг расмий сайтида ушбу ҳужжатлар рўйхати келтирилди:
Қирғизистон Республикаси ва Ўзбекистон Республикаси ўртасидаги ўзбек-қирғиз давлат чегараси тўғрисидаги келишув (2017 йил 5 сентябрь) бўйича ёрлиқлар алмашиш ҳақида баённома;
Қирғизистон Республикаси ҳукумати ҳузуридаги иқтисодий жиноятлар бўйича давлат хизмати (молиявий полиция) ва Ўзбекистон Республикаси бош прокуратураси ҳузуридаги СВОЖЖДЛҚК департаменти ўртасида «Иқтисодий ва молиявий жиноятларга қарши курашда ҳамкорлик тўғрисида»ги келишув;
Қирғизистон Республикаси миллий статистика қўмитаси ва Ўзбекистон Республикаси статистика қўмитаси ўртасида расмий статистика соҳасидаги ҳамкорлик юзасидан англашув меморандуми;
Қирғизистон Республикаси ички ишлар вазирлиги ва Ўзбекистон Республикаси ички ишлар вазирлиги ўртасида «Гиёҳвандлик воситалари, психотроп моддалар ва прекурсорларнинг ноқонуний савдосига қарши кураш бўйича ҳамкорлик тўғрисида»ги келишув;
Қирғизистон Республикаси ҳукумати ва Ўзбекистон Республикаси ҳукумати ўртасида Қирғизистон Республикасига минерал ўғитлар етказиб бериш бўйича келишув;
Қирғизистон Республикаси маданият, ахборот ва туризм вазирлиги ва Ўзбекистон Республикаси туризмни ривожлантириш қўмитаси ўртасида туризм соҳасидаги ҳамкорлик бўйича келишув;
Қирғизистон Республикаси бош штаби ва Ўзбекистон Республикаси мудофаа вазирлиги ўртасида «Ҳарбий ҳамкорлик тўғрисида»ги келишув;
Қирғизистон Республикаси дин ишлари бўйича давлат комиссияси ва Ўзбекистон Республикаси Вазирлар Маҳкамаси ҳузуридаги дин ишлари қўмитаси ўртасида ҳамкорлик меморандуми;
«Қабар» Қирғизистон миллий ахборот агентлиги ва Ўзбекистон миллий ахборот агентлиги ўртасида ҳамкорлик меморандуми;
Қирғизистон Республикаси транспорт ва йўллар вазирлиги ва Ўзбекистон Республикаси ташқиш савдо вазирлиги ўртасида «Транспорт соҳасидаги ҳамкорлик тўғрисида»ги меморандум;
Қирғизистон Республикаси Жалолобод шаҳри мерияси ва Ўзбекистон Республикаси Наманган шаҳри ҳокимияти ўртасида «Савдо-иқтисодий ва маданий-гуманитар соҳалардаги ҳамкорлик тўғрисида»ги келишув;
Қирғизистон Республикаси Баткен шаҳри мерияси ва Ўзбекистон Республикаси Фарғона шаҳри ўртасида «Савдо-иқтисодий ва маданий-гуманитар соҳалардаги ҳамкорлик тўғрисида»ги келишув.
Изоҳ (0)