Ўзбекистон ва Корея Республикалари ўртасида дипломатик алоқалар ўрнатилганлигининг 25 йиллиги муносабати билан Корея киноси кунлари ўтказилмоқда, деб хабар беради «Ўзбеккино» Миллий агентлиги матбуот хизмати.
Тадбир «Ўзбеккино» Миллий агентлиги ва Кореянинг Ўзбекистондаги элчихонаси ҳамкорлигида ташкил этилган.
Аввалроқ, 28 сентябрь ва 1 октябрь кунлари Тошкентдаги Алишер Навоий номли кино саройида Корея кинофестивалининг очилиш маросими ва фестивалга тақдим этилган тўртта бадиий фильм намойиши бўлиб ўтди. Энди ушбу картиналарни Наманган ва Андижон шаҳри аҳолиси ҳам томоша қилиш имкониятига эга бўлади.
Наманган шаҳри
Сана, вақти: 4—6 октябрь, соат 18:00 Манзил: А.Навоий номли Наманган вилоят мусиқий-драма театри
Кириш: эркин
Андижон шаҳри
Сана, вақти: 5—7 октябрь, соат 18:00 Манзил: Бобур номли Андижон вилоят мусиқий-драма театри
Кириш: эркин
Фильмлар: «Қирол тикувчиси», «Доимо», «Можаро сабабчилари», «7-камерадаги мўъжиза».
Изоҳ (0)