Ўзбекистонда қишлоқ хўжалик машинасозлиги соҳасида йил охиригача 100 миллион долларлик лойиҳалар амалга оширилади. Бу ҳақда Бош вазир ўринбосари, «Ўзагротехсаноатхолдинг» бошқарув раиси Нодир Отажонов 4 октябрь куни бўлиб ўтган Олий Мажлис Сенатининг 12-ялпи мажлисида айтиб ўтди, деб ёзади «Газета.ru».
Бундан ташқари, Тошкент қишлоқ хўжалик техникаси заводи, Чирчиқ қишлоқ хўжалик техникаси заводи, агрегат ва технологик заводлар ва бошқа корхоналар модернизация қилинмоқда.
«Бу йил 550 та пахта териш машинаси ишлаб чиқарилди, шунинг 500 таси Туркманистонга экспорт қилинди. Келаси йилдан биз пахта теришни механизациялаштириш учун 3000 та пахта териш машинасини чиқаришни режалаштирмоқдамиз», — деди Нодир Отажонов.
3000 та техниканинг 600 таси экспорт қилинади, қолган қисми биринчи навбатда, Сирдарё, Тошкент ва Жиззах вилоятларига йўналтирилади. Қашқадарё вилоятига 100 га яқин машина берилади.
Бутун республика бўйича пахта теришни механизациялаштиришни таъминлаш учун камида 14—15 мингта пахта териш машинасини ишлаб чиқариш талаб этилади, деди Нодир Отажонов.
Изоҳ (0)