Дональд Трамп 3 октябрь куни «Мария» довулидан жабрланганларни қўллаб-қувватлаш учун Пуэрто-Рикога келди, деб ёзади TJournal. Кариб денгизидаги орол давлатнинг деярли барча аҳолиси — АҚШ фуқаролари.
Ташрифи чоғида АҚШ президенти маҳаллий ҳукуматга кам сонли қурбонлар билан «фахрланиш»ни маслаҳат берди (16 киши ҳалок бўлган) ва буни «Катрина» довули чоғидаги рақамлар билан қиёслади — 2005 йилда 1833 киши ҳалок бўлган эди.
Трамп черковда маҳаллий аҳоли билан учрашди. У дастлаб эҳтиёжмандларга бир неча қути гуруч узатди, сўнг гуманитар ёрдам тарқатишнинг анча ноодатий усулини синаб кўрди: у оломонга қоғоз сочиқларни ота бошлади.
Одамлар бундай қоғоз сочиқларнинг иккита ўрамини тутиб олди, қолгани ерга тушди. Ижтимоий тармоқларда Трампни баскетболчи Коби Брайантга таққослашди.
Pres. Trump tosses rolls of paper towels to crowd in Puerto Rico amid visit to survey damage from Hurricane Maria https://t.co/zAWvJAzETI pic.twitter.com/75apqwjODW
— ABC News (@ABC) October 3, 2017
Изоҳ (0)