Тошкентда 2 октябрь куни таниқли журналист Галина Чебакова ҳалок бўлди. «MyTashkent.uz» маълумотларига кўра, 79 ёшли аёлни автомобиль уриб кетди.
«Газета.uz»нинг қайд этишича, йўл-транспорт ҳодисаси юз берган вақтда таниқли журналист уйи яқинидаги ҳудудда итини айлантириб юрган бўлган.
ЙТҲнинг бошқа тафсилотлари маълум эмас. Журналистнинг дафн маросими 3 октябрга белгиланган.
Галина Чебакова узоқ йиллар давомида «Ташкенцкая правда» газетасида масъул котиб сифатида ишлаган. Кейинчалик, «Бизнес-вестник Востока», «Класс», «Тасвир» нашрларига раҳбарлик қилган.
Изоҳ (0)