CBS телекомпанияси вице-президенти ва катта ҳуқуқий маслаҳатчиси Хейли Гефтман-Голд Лас-Вегасдаги оммавий қотилликдан сўнг, у ерда ҳалок бўлган «республикачи қуролсозлар»га ачинмаслигини айтди, деб ёзади «РБК».
Ўз Facebook’ида вице-президент, шунингдек, республикачилар эркин қурол олиб юриш бўйича ўз позициясини ўзгартиришига умид қилмаслигини, чунки улар «болаларни ўлдиришган пайтда» бундай қилмаганини ёзди. Бунда Гефтман-Голд 2012 йилда бошланғич мактабда содир бўлиб, 28 нафар боланинг ўлимига олиб келган отишмани тилга олди.
CBS Гефтман-Голднинг гапларини бутунлай номақбул деб атади. «Биз билан бир йилга яқин вақт бирга ишлаган бу ходим бизнинг стандартларимизни бузди. У энди CBS’да ишламайди», — дейилади компания баёнотида.
Гефтман-Голд ўзининг «шармандали» пости учун узр сўради ва ҳужум оқибатида нуқта қўйилган ҳаётларнинг ҳар биттаси муҳим эканлигини айтди.
Изоҳ (0)