CBS vitse-prezidenti Las-Vegasdagi qurbonlarni haqorat qilgani uchun ishdan haydaldi

CBS telekompaniyasi vitse-prezidenti va katta huquqiy maslahatchisi Xeyli Geftman-Gold Las-Vegasdagi ommaviy qotillikdan so‘ng, u yerda halok bo‘lgan “respublikachi qurolsozlar”ga achinmasligini aytdi, deb yozadi “RBK”.

O‘z Facebook’ida vitse-prezident, shuningdek, respublikachilar erkin qurol olib yurish bo‘yicha o‘z pozitsiyasini o‘zgartirishiga umid qilmasligini, chunki ular “bolalarni o‘ldirishgan paytda” bunday qilmaganini yozdi. Bunda Geftman-Gold 2012-yilda boshlang‘ich maktabda sodir bo‘lib, 28 nafar bolaning o‘limiga olib kelgan otishmani tilga oldi.

CBS Geftman-Goldning gaplarini butunlay nomaqbul deb atadi. “Biz bilan bir yilga yaqin vaqt birga ishlagan bu xodim bizning standartlarimizni buzdi. U endi CBS’da ishlamaydi”, — deyiladi kompaniya bayonotida.

Geftman-Gold o‘zining “sharmandali” posti uchun uzr so‘radi va hujum oqibatida nuqta qo‘yilgan hayotlarning har bittasi muhim ekanligini aytdi.