Москва давлат тиббиёт университети Фтизиатрия ва пульмонология илмий-текшириш институти директори, профессор Дмитрий Гиллер бошчилигидаги мутахассислар гуруҳи Наманганга келди. Бу ҳақда «Дарё»га журналист Санжарбек Ҳамидов маълум қилди.
Вилоят соғлиқни сақлаш бошқармасида уюштирилган анжуман сил касалликларига қарши курашнинг замонавий усул ва услублари ҳақида бўлди. Дмитрий Гиллер хасталикнинг олдини олиш ва даволаш тажрибалари ҳақида сўзлаб берди. Вилоят даволаш-профилактика муассасаларининг бош шифокорлари ўзларини қизиқтирган саволларга машҳур олимдан тўлақонли жавоблар олди.
Вилоят сил касалликларига қарши кураш диспансерида давом этган жараёнлар ҳам кўпчиликнинг ёдида қолди. Дастлаб Дмитрий Гиллер фтизиатрия ва пулмонология соҳаси мутахассислари иштирокда сил касалликларига чалинган беморларни қабул қилиб, уларни тиббий текширувлардан ўтказди. Беморларни даволаш юзасидан тавсияларини берди.
Кейинчалик «Маҳорат дарси» амалиёт столида давом этди. Россиялик машҳур шифокор жарроҳлик соҳасидаги малакасини сил касаллигининг оғир босқичини бошидан кечираётган бемор ўпкасини операция қилишда намоён этди.
Изоҳ (0)