Ўзбекистон Республикаси Бош прокуратураси ҳузуридаги департаментнинг Бухоро вилоят Когон туман бўлими томонидан ҳуқуқ-тартибот органлари билан ўтказилган тадбирда фуқаро Акобир Ҳалимов жиноят устида қўлга тушди. Бу ҳақда «Ўзбекистон 24» хабар берди.
У фуқаро Дилмурод Файзиевнинг ишончига кириб, уни 2500 АҚШ доллари эвазига ҳуқуқ-тартибот органларига ишга жойлаб қўйишга ваъда беради. Акобир Ҳалимов 2017 йил 25 июль куни Когон шаҳар Халқлар дўстлиги кўчасида келишилган маблағнинг 500 долларини олаётган вақтда жиноят устида қўлга олинди.
Фуқаро Сирожиддин Ширинов эса таниши Озода Саидовадан «БухороАвтоТехХизмат» МЧЖдан Spark автомобилини олишига ёрдам беришини айтиб, 300 АҚШ доллари миқдорида пора олаётганда қўлга тушди.
Ҳар иккала ҳолат юзасидан тергов суриштирув ишлари олиб борилмоқда.
Изоҳ (0)