Андижонлик фуқаро Зиёдулла Шокиров ўз акаси билан олдиндан тил бириктириб, қонунга хилоф равишда, кўп миқдордаги валюта қимматликларини олиш ва қайта сотиш билан шуғулланиб келган. Бош прокуратура ҳузуридаги Департаментнинг Андижон вилоят бошқармаси томонидан амалга оширилган тезкор тадбирда Зиёдулла Шокиров фуқаро Абдуллаевга ҳар бир АҚШ долларини 7920 сўмдан келишиб, жами 3000 АҚШ долларини 23 760 000 сўмга сотаётган вақтда ушланган. Бу ҳақда «Ўзбекистон 24» хабар берди.
Шу билан бирга, тадбир давомида фуқаро Зиёдулла Шокировдан жами 4700 АҚШ доллари ва 30500 сўм пуллар ҳамда бошқа предметлар далилий ашё сифатида олинган.
Департаментнинг Андижон вилоят бошқармаси ва Булоқбоши бўлими ходимлари томонидан ўтказилган яна бир тезкор тадбирда фуқаро Шакиров ва Абдукаримов валюта қимматликларини қонунга хилоф равишда олиш ва ўтказиш билан шуғулланиб келгани фош этилган.
Улар фуқаро Рустамовга ҳар бир АҚШ долларини 7330 сўмдан сотишга келишиб, жами 4400 АҚШ долларини 32 252 000 сўмга сотган вақтида қўлга олинди. Тадбир давомида 4400 АҚШ доллари ашёвий далил сифатида олинди.
Изоҳ (0)