27 сентябрнинг эътиборга молик янгиликлари — «Дарё»нинг кечки дайжестида.
1. Ўзбекистон АҚШга 7 йил давомида 300 млн долларлик уран етказиб беради. АҚШ Эксимбанки 13 йиллик танаффусдан сўнг Ўзбекистон билан ҳамкорликни қайта тиклади. McDonald’s эса Ўзбекистон бозорига кириш имкониятларини ўрганмоқда.
2. Жасур Иброҳимов иши. Жавобгар унга илгари сурилган айбловга иқрор бўлмади. Жасурбекнинг онаси эса фожиа билан тугаган муштлашув ҳақида гапирди.
3. ЎФФ президенти Умид Аҳмаджонов Ўзбекистон термаси олдига ЖЧ—2022 да ўйнаш вазифасини қўяди. Унга Шоакром Исроилов биринчи ёрдамчи этиб тайинланди. ЎФФ ишчиларининг эса 90 фоизи ўзгаради.
4. МБ раиси ўринбосари Шуҳрат Атабаев: Банк ходимларини пахта теримига чиқаринглар, деган топшириқ йўқ. Аввалроқ банкларининг ҳудудий филиалларидаги ҳар бир ходим 5 нафардан теримчини пахтага жалб қилиши ҳақидаги Шуҳрат Атабаев имзоси билан юборилган хатнинг сурати ижтимоий тармоқларда тарқалган эди.
5. Академик лицейларда ўқиш муддати икки йил этиб белгиланади. Тўртта педагогика институти эса Олий ва ўрта махсус таълим вазирлиги тасарруфига берилди.
Изоҳ (0)