Янги iPhone Х ускунасида пайдо бўладиган Face ID юз таниш тизими яқин қариндошлар, масалан, ака-ука ва опа-сингиллар, эгизаклар ҳамда 13 га тўлмаган болаларнинг юзи билан ишлаганда самара бермаслиги мумкин. Бу ҳақда Meduza хабар бермоқда.
Бундай ҳолатларда тизим блокланиб қолишининг олдини олиш учун Apple бошқа ҳимоя воситалари, масалан, рақамли коддан фойдаланишни тавсия қилди.
Олдинроқ Apple Face ID тизими бошқа бундай тизимлардан анча мукаммаллигини ва миллиондан бир ҳолатда иш бермаслигини маълум қилган эди. Компания вакилларининг сўзларига қараганда, уни фотосурат ёки ниқоб ёрдамида алдаб бўлмайди. Шунингдек, тизим фойдаланувчи соқол ўстирса, шляпа кийса ёки кўзойнак тақса ҳам ишлаши керак. Тизим телефон эгасининг суратларидаги юз орқали доимий ўрганиб бориши орқали бунга эришилади.
Изоҳ (0)