iPhone 8, iPhone 8 Plus ва iPhone Х’да аккумуляторни тезкор қувватлантириш режими бор, аммо ундан фойдаланиш учун яна 74 доллар тўлаб, махсус кабель ва қувват блокини сотиб олиш керак, деб ёзади TJournal.
Тезкор қувват олиш ҳақидаги маълумотни журналистлар Apple сайтининг янги iPhone’лар ҳақидаги саҳифасида техник хусусиятлар бўлимидан топишди. У ерда айтилишича, қурилма батареяси қуввати нолга тушиб қолган бўлса, уни 50 фоизгача зарядлаш ярим соат вақт олади. Аммо бунинг учун комплект ичидаги симдан фойдаланиш мумкин эмас: тезкор қувват олиш USB-C форматидаги кабелни ва қувват блокини талаб қилади.
Расмий дўконда аксессуарлар учун тахминан 74 доллар тўлаш керак. Шу билан бирга, Apple кучи 29 ваттдан 87 ваттгача бўлган турли қувват блокларини сотади. Энг кичик версия тезкор заряд учун мос келиш-келмаслиги номаълум. Янги iPhone’ларнинг бир марта олган қуввати аввалги авлод қурилмаларидаги каби 12—13 соат фойдаланишга етади.
Изоҳ (0)