Apple компанияси анъанавий тақдимотини 12 сентябрь куни ўтказиши кутилмоқда. Insider Pro янги iPhone ҳақида шу пайтгача тарқалган миш-мишларнинг барчасини битта жойга тўплади.
Аввало, Apple уч хил моделдаги смартфонни чиқариши кутилмоқда, булар бутунлай янги версия, шунингдек, iPhone 7 ва 7 Plus’нинг янгиланмалари.
Шов-шувларга кўра, янги қурилма катталаштирилган ўлчамдаги эгик экран билан жиҳозланади. Роми iPhone 7 никидан анча кичик бўлади. iPhone ромларининг қалинлиги анча камайишини Apple ўзи билмаган ҳолда тасдиқлаб қўйди. Бундай модификация Apple’га қурилма ўлчамини ўзгартирмаган ҳолда экран майдонини катталаштириш имконини беради.
Apple тасодифан эълон қилган маълумотларга кўра, янги экран 1125×2436 пикселли бўлади.
Олд камера уч ўлчамли зондлаш ва моделлаштириш функциясига эга бўлади, бу нафақат суратга тушириш, балки тасвирни ўзгартиришга ҳам имкон яратади.
Орқа камера вертикал жойлашган иккита объективдан иборат бўлади.
Янги экран туфайли iPhone 8 «Уйга» тугмасидан ажралади, унинг функциясини дастурли тугма бажаради.
Янги iPhone iOS 11 операцион тизимида ишлайди. Унда бошқарув маркази қайта ишланади, скриншотлар олиш жараёни ўзгартирилади ва Siri анча яхшиланади.
Энди iPhone’ни заряд мосламасига улаш ҳожати бўлмайди — у симсиз қувват олади, аммо қувват ускунасини алоҳида сотиб олишга тўғри келиши мумкин.
Янги iPhone арзон бўлмайди — баъзи ҳисоб-китобларга кўра, унинг нархи 1000 доллар ва ҳатто ундан ҳам баландроқ бўлиши мумкин.
Бундан ташқари, таҳлилчилар бармоқ изи сенсори билан боғлиқ муаммолар туфайли, iPhone 8 савдоси энг эртаси билан октябрда бошланишини айтмоқда.
Баъзи миш-мишларга кўра, iPhone 8 фақат қора рангда чиқарилади.
Телефонда наушник учун тирқиш бўлмайди.
Изоҳ (0)