Ўзбекистон миллий терма жамоаси 2022 йил Қатарда бўлиб ўтадиган Жаҳон Чемпионатида иштирок этиш миссияси билан ҳаракат қилади. Бу ҳақда ЎФФ президенти Умид Аҳмаджонов матбуот анжуманида айтиб ўтди.
Биз 2017—2022 йиллар учун махсус дастур ишлаб чиқдик. Бунда асосан 5 та жиҳат кўзда тутилган. Биринчиси, миллий терма жамоага янги бош мураббий тайинлаш, иккинчиси, келишилган ўйинларга қарши курашиш учун янги жамоа тузиш, учинчиси, таниш-билишчилик ва қариндош-уруғчиликка қарши кураш олиб бориш, тўртинчиси, ташкилотга бўлган ишончни қайтариш, бешинчиси, болалар ва ўсмирлар футболини янада яхшилаш.Бунгача ЎФФ президенти вазифасида ишлаган Мираброр Усмонов миллий терма жамоани мундиалга олиб чиқаман деб ваъда бермагани ҳақида айтиб ўтганди.Шунингдек, 2022 йилги Жаҳон Чемпионатига чиқиш, ЎФФни Осиёнинг энг яхши федерацияларидан бирига айлантириш мақсади ҳам бўлади. Барча термаларимизнинг Осиё ва Жаҳон Чемпионатларида иштирок этишини таъминлаш устувор вазифалар қўйилади.
Изоҳ (0)