Британиялик заргар Лоуренс Графф дунёдаги энг йирик 1109 қирот(карат)ли Lesedi la Rona олмосини ўтган йилги нархидан анча арзонга яъни 53 миллион долларга харид қилди. Бу ҳақда «Интерфакс» хабар бермоқда.
Ҳажми теннис коптогидек келадиган олмос 2016 йилнинг июнь ойида Sotheby’s аукционига қўйилган ва харидорлар унинг учун 61 миллион доллар таклиф қилган эди.
Lesedi la Rona’нинг ҳар бир қироти 47,8 минг доллар бўлиб, у сўнгги аукционларда сотилган рангли ва рангсиз олмослардан арзон ҳисобланади.
2016 йилнинг май ойида 813 қиротли Cонстеллатион олмоси 63 миллион долларга ёки ҳар бир қироти 77,5 минг долларга сотилган эди.
Жорий йилнинг апрелида Pink Star деб номланган ноёб пушти рангдаги бриллиант қимматбаҳо тошлар бозорида янги рекорд ўрнатиб, 71,2 миллион долларга сотилди.
Изоҳ (0)