АҚШ Олий суди 10 октябрга белгиланган президент Дональд Трампнинг иммиграция фармони қонунийлиги юзасидан эшитувларни бекор қилди. Бу ҳақда «Коммерсантъ» хабар бермоқда.
Суд Трамп томонидан АҚШга кириши тақиқланган мамлакатлар рўйхати кенгайтирилгани сабабли шундай қарор қабул қилди. Даъво кўриб чиқиладиган янги сана ҳали белгиланмади.
АҚШга киришга чеклов эндиликда Эрон, Сурия, Ливия, Сомали, Яман, Венесуэла, Шимолий Корея ва Чад фуқароларига тегишли. Чеклов чоралари ҳар бир давлатдан келиб чиқиб фарқланади.
Изоҳ (0)