Britaniyalik zargar Lourens Graff dunyodagi eng yirik 1109 qirot(karat)li Lesedi la Rona olmosini o‘tgan yilgi narxidan ancha arzonga ya’ni 53 million dollarga xarid qildi. Bu haqda “Interfaks” xabar bermoqda.
Hajmi tennis koptogidek keladigan olmos 2016-yilning iyun oyida Sotheby’s auksioniga qo‘yilgan va xaridorlar uning uchun 61 million dollar taklif qilgan edi.
Lesedi la Rona’ning har bir qiroti 47,8 ming dollar bo‘lib, u so‘nggi auksionlarda sotilgan rangli va rangsiz olmoslardan arzon hisoblanadi.
2016-yilning may oyida 813 qirotli Constellation olmosi 63 million dollarga yoki har bir qiroti 77,5 ming dollarga sotilgan edi.
Joriy yilning aprelida Pink Star deb nomlangan noyob pushti rangdagi brilliant qimmatbaho toshlar bozorida yangi rekord o‘rnatib, 71,2 million dollarga sotildi.
Izoh (0)