Сенат ахборот хизмати хабарига кўра, суҳбат давомида меҳмонга Ўзбекистонда амалга оширилаётган ислоҳотлар ҳақида маълумот берилган.
«Шунингдек, Ўзбекистон ва Буюк Британия ўртасидаги парламентлараро муносабатларни ривожлантириш масалалари юзасидан фикр алмашилди», — дейилади Сенат ахборотида.
Маълумот учун, 76 ёшли лорд Муҳаммад Илтаф Шайх 2015 йилда асли самарқандлик Гули Мурадова билан оила қургани айтилади. The Daily Mail маълумотига кўра, лорд 2012 йили Гули Мурадованинг қўлини сўраб, Самарқандга келган.
Интернетда Гули Мурадовага (1984 йилда туғилгани тахмин қилинади) тегишли экани билдирилган шахсий сайт бўлиб, унда аёл лорд Шайх билан бахтли ҳаёт кечираётгани таъкидланган.
Қайд этиш жоиз, лорд Шайх 2016 йилнинг ноябрь—декабрь ойларида ҳам Ўзбекистонда бўлган. У 2016 йилги Ўзбекистон Президенти сайловида халқаро кузатувчи сифатида қатнашган.
Изоҳ (0)