Нью-Йоркда «Ўзбекистон ҳаво йўллари»нинг Тошкентга учадиган рейси кечиктирилди

«Ўзбекистон ҳаво йўллари»нинг 25 сентябрь куни «Нью-Йорк — Тошкент» йўналиши бўйлаб парвоз қилиши лозим бўлган рейси кечиктирилди.

Авиакомпания матбуот хизмати томонидан тарқатилган маълумотга кўра, рейс техник сабабларга кўра кечиктирилган.

«Нью-Йоркдан учиб кетиш 25-сентябр куни Нью-Йорк вақти билан 15:00 га белгиланди. Агар рейснинг учиб кетиш вақти ўзгарадиган бўлса, авиакомпания бу ҳақида қўшимча ахборот беради», — дейилади расмий ахборотда.

«Ўзбекистон ҳаво йўллари» юз берган ҳодиса юзасидан «яна бир бор узр сўради».

«Kommersant.uz»нинг ёзишича, 5 сентябрь куни «Ўзбекистон ҳаво йўллари»нинг «Бангкок—Тошкент» йўналишидаги рейси ҳаво кемасининг носозлиги сабаб кечиктирилган эди.

Хабар беришларича, мазкур рейс йўловчилари Бангкокдан учиб кетишни бир неча кун кутишга мажбур бўлган.