Senat axborot xizmati xabariga ko‘ra, suhbat davomida mehmonga O‘zbekistonda amalga oshirilayotgan islohotlar haqida ma’lumot berilgan.
“Shuningdek, O‘zbekiston va Buyuk Britaniya o‘rtasidagi parlamentlararo munosabatlarni rivojlantirish masalalari yuzasidan fikr almashildi”, — deyiladi Senat axborotida.
Ma’lumot uchun, 76 yoshli lord Muhammad Iltaf Shayx 2015-yilda asli samarqandlik Guli Muradova bilan oila qurgani aytiladi. The Daily Mail ma’lumotiga ko‘ra, lord 2012-yili Guli Muradovaning qo‘lini so‘rab, Samarqandga kelgan.
Internetda Guli Muradovaga (1984-yilda tug‘ilgani taxmin qilinadi) tegishli ekani bildirilgan shaxsiy sayt bo‘lib, unda ayol lord Shayx bilan baxtli hayot kechirayotgani ta’kidlangan.
Qayd etish joiz, lord Shayx 2016-yilning noyabr—dekabr oylarida ham O‘zbekistonda bo‘lgan. U 2016-yilgi O‘zbekiston Prezidenti saylovida xalqaro kuzatuvchi sifatida qatnashgan.
Izoh (0)