Тирноқнинг милклари қўлларни хунук кўрсатади, кийимларга илиниб қолади, яра ва чипқонлар пайдо бўлишига олиб келади. Албатта, бу муаммоларнинг сизга ҳеч кераги йўқ.
Тирноқ милклари қандай пайдо бўлади?
Улар пайдо бўлишининг асосий сабаби — терининг сув, кимёвий воситалар, қоғоз, шунингдек шамол ва совуқ таъсирида қуруқлашиши. Намликнинг камлигига мувофиқ равишда овқатланмаслик, аниқроғи — ёғлар ва А, Э витаминларининг етишмаслиги ҳам сабаб бўлиши мумкин.Тирноқ милкларидан тирноқларини тишлашни севадиганлар ҳам азият чекади, чунки бу хунук одат тирноқ ложасини заифлаштиради ва тирноқ юзаси атрофидаги терининг шикастланишига олиб келади.
Агар сиз тўғри овқатланишга риоя қилсангиз, қўлингиз терисини парвариш қилиб турсангиз ва тирноғингизни тишлаш одатингиз йўқ бўлса, барибир тирноқ милклари йўқолмаётган бўлса, бу шифокорга мурожаат қилиш учун жиддий сабаб бўла олади.
Тирноқ милклари пайдо бўлишининг қандай қилиб олдини олса бўлади?
Олдини олишнинг энг яхши воситаси қўлларни тери қуришига сабаб бўладиган ҳамма нарсалардан ҳимоя қилиш, шунингдек мунтазам равишда намловчи косметик воситалардан фойдаланишдир. Шунинг учун уй ишларини иложи борича резина қўлқопларда бажариш ва кремни фақат ухлаш олдидан эмас, балки зарур ҳолларда ҳам суриш керак.Таомномангизда ёғлар ва витаминларга бой бўлган озиқ-овқатлар: балиқ, ўсимлик ёғлари, ёнғоқлар, сабзавотлар, мевалар ва кўкатлар иштирок этишига эътибор беринг.
Мунтазам равишда гигиеник маникюрлар қилиб туринг. Тирноқ чеккаларида пайдо бўлган ортиқча тери бўлакчаларини кесиб ташламасдан, унга махсус ёғлар суринг ва апелсин чўп билан тирноқнинг асоси томон суринг.
Манба: «Лайфхакер»
Изоҳ (0)