Мумиёдан фойдаланишнинг турли хил йўллари ва усуллари авлоддан-авлодга ўтиб бугунги кунгача етиб келган.
Мумиёни фойдали мақсадларда ишлатишнинг оддий ва фойдали усуллардан бири сочларни ўстиришга ва чиройли кўриниш беришга ёрдам беради.
Мумиё таркибида сочларнинг ўсишига, ялтирашига ва ҳажмини оширишга ёрдам берадиган 30 дан ортиқ микроэлементлар, кимёвий бирикмалар, витаминлар ва шифобахш моддалар мавжуд.
Оддий билимлар ва сочларнинг ўсишини, кўринишини яхшилаш истаги ёрдамида ҳаммамиз ҳам уй шароитида шампунь ва мумиё асосида сеҳрли восита тайёрлашимиз мумкин.
Сочлар учун халқ табобатида машҳур бўлган энг оддий воситани тайёрлаш учун 200 мл лик бир шиша шампунь, 10 дона мумиё таблеткаси ва 50 мл сув керак бўлади. Тайёрлашдан олдин мумиё таблеткаларини эзиб кукунга айлантирамиз ва илиқ сувда эритамиз. Кейин бу эритмани шампунь билан яхшилаб аралаштирамиз ва шифобахш воситамиз тайёр бўлади. Табиий моддаларни қўшиш натижасида шампуннинг ранги ўзгариши мумкин.
Уй шароитида тайёрланган бу воситадан фойдаланишдан олдин ҳар гал шампун идишини бир неча марта силкитинг ва кейин ишлатишга киришинг. Ювиш жараёни шифобахш элементларнинг самараси ошишини таъминлаш учун сочларни ва бошни қўшимча уқалаш билан бирга 2-3 дақиқа давом этиши керак. Кейин эса сочларни кўпроқ миқдордаги сув билан яхшилаб ювиб ташлаш лозим.
Бу шифобахш воситадан бир неча марта фойдаланганингиздан сўнг унинг ижобий самараларини сеза бошлайсиз.
Манба: «Хитрости жизни»
Изоҳ (0)