Volvo компанияси CМА платформасида яратилган ўзининг энг қулай ва арзон ХC40 кроссоверини тақдим этди. Ушбу платформа айнан ихчам моделлар учун махсус ишлаб чиқарилган ва унинг асосида яна бир нечта янгиликлар мавжуд. Бу ҳақда Top Gear’га таяниб, «Корреспондент.net» хабар берди.
Кроссовернинг узунлиги 4425 миллиметрга тенг, ғилдираклар базаси эса 2702 миллиметрни ташкил этади. Янги модель юкхонасининг ҳажми 460 литр.
Шунингдек, кроссовер салони кўплаб контейнерлар билан, жумладан, эшикдаги катта ўлчамли чўнтаклар билан жиҳозланган.
Машина интерьеридан вертикал йўналтирилган 9 дюймли мультимедияли монитор жой олган. Иккинчи, 12 дюймли монитор автомобиль ичидаги қурилмаларга қалқон вазифасини ўтайди.
Дастлаб кроссовернинг иккита моторлиси — 190 от кучига эга, дизелда ишлайдиган D4 ҳамда 245 кучга эга бензинда ҳаракатланадиган Т5. Уларнинг иккиси ҳам 6 боқичли механик ёки 8 диапазонли автомат қути орқали бошқарилади.
Кейинчалик ушбу моделнинг уч цилиндрли турбомотор — Т3 ўрнатилган, 150 от кучига эга модификациясини ҳам чиқариш режалаштирилмоқда.
Изоҳ (0)