2017 йилнинг 20 сентябрида Ўзбекистон Республикаси товар-хом ашё биржасининг avtoraqam.uzex.uz вебсайтига сотувга автотранспорт воситалари учун биринчи тоифали рўйхатдан ўтказиш давлат рақами белгилари қўйилиши бошланди. Бу ҳақда Ўзбекистон Республикаси товар-хом ашё биржаси махсус ахборот портали хабар берди.
Хусусан савдоларга Тошкент шаҳри ва Тошкент вилояти бўйича жисмоний шахслар учун 50 дан зиёд «олтин» авторақамлар ва юридик шахслар учун 25 дан ортиқ лотлар жойлаштирилди. Бугунги кундан эътиборан ЎзРTХБ ахборот тизимида рўйхатдан ўтган харидорлар энг кутилаётган (01) C 777 АB, (01) C 700 АB ёки (01) C 001 АB каби авторақамлар бўйича онлайн аукционларда иштирок этишлари мумкин.
Шунингдек avtoraqam.uzex.uz вебсайти биржанинг Call-марказига келиб тушаётган таклифлар асосида мунтазам равишда такомиллаштирилмоқда. Шу жумладан вебсайтга буюртмалар стакани, шахсий кабинетда қидириш тизими, истаган лотга обуна бўлиш каби қўшимча функциялар киритилди, кўп бериладиган саволлар бўлими ва берилган таклифлар рўйхати яратилди, ҳамда харидорлар учун аукционда иштирок этиш қўлланмаси жойлаштирилди. Эслатиб ўтамиз, биринчи тоифали авторақамларни савдолар босқичи – 3 фоизни ташкил этади.
Изоҳ (0)