Бош Прокуратура ҳузуридаги департаментнинг Олтариқ туман бўлими ҳамда Миллий хавфсизлик хизмати туман бўлими ҳамкорликда ўтказган тезкор тадбирда қонунбузарларнинг қилмишига чек қўйилди. Бу ҳақда «Ўзбекистон24» хабар бермоқда.
Жавлон Эргашев фуқаро Ғаниевдан 8 минг АҚШ долларини ҳар бирини 8050 сўмдан ҳисоблаб, 64 миллион 400 минг сўмга сотиб олган вақтида ашёвий далиллар билан ушланди. Тезкор ходимлар томонидан унинг автомашинаси кўздан кечирилганда 14700 АҚШ доллари ҳамда 16 миллион 713 минг сўм борлиги аниқланди.
Шунингдек, Жавлон Эргашев Олтариқ туманида яшовчи Муҳамаджон Расуловдан ҳам 11 800 АҚШ долларини қайта сотиш мақсадида 94 миллион 990 минг сўмга харид қилгани фош этилди.
Тезкор тадбир якунида қонунбузарлар томонидан ноқонуний муомалага киритилган жами 14 720 АҚШ доллари ва 175 миллион 613 минг сўм пул ашёвий далил сифатида олиб қўйилди.
Изоҳ (0)