Фотогалерея: «Тахтлар ўйини»ни янада севимлироқ сериалга айлантирувчи фактлар

AdMe «Тахтлар ўйини» сериали борасида сиз билмаган қизиқарли маълумотларни тўплаб тақдим этди.

Жорж Мартин ёшлигида Жон Снoуга ўхшаш бўлган

Жон Сноу ролини ўйнаган Кит Харингтоннинг кўриниши муаллиф Жорж Мартиннинг ёшлигига жуда ўхшаб кетади.

Теон — Лили Алленнинг укаси

Теон роли ижрочиси Алфи Аллен машҳур қўшиқчи Лили Алленнинг туғишган укаси. Лилига ҳатто сериалда суратга тушиш таклифини билдиришган, бироқ у сценарийни ўқиб кўргач, рад жавобини берган.

Кейтелин Cтарк — Гермионанинг онаси

Кейтелин Старк роли билан барчага бирдек манзур бўлган актриса Мишель Фейри Гарри Поттер ҳақидаги фильмларда Гермионанинг онаси ролини ижро этган.

Мирцелла ва Томмен реал ҳаётда учрашиб туришади

Серсеянинг фарзандлари ролини ижро этган Эйми Ричардсон ҳамда Дин-Чарльз Чэпмен реал ҳаётда учрашиб туришади.

Эймон ролини ижро этган актёр ростдан ҳам кўр бўлган

Эймон Таргариен ролини ижро этган марҳум Питер Воннинг кўриш қобилияти ёмон бўлган ва у деярли ҳеч нимани кўра олмаган.

Мадонна Дейенериснинг кўйлагини ижарага олган

Мадонна ҳам «Тахтлар ўйини» сериалини томоша қилади. Қўшиқчи ҳатто бир сафар сериал яратувчиларидан Дейенерис Таргариен кўйлагини бериб туришларини илтимос қилган.

Сериал яратувчилари Темир тахтни сотиб юборган

Авваллари сериал яратувчилари Темир тахтнинг нусхасини 20 минг фунтдан сотган. Нусханинг баландлиги 2 метр, оғирлиги эса 159 килограмм бўлган.

Тирион ролига кастинг ўтказилмаган

Сценарий муаллифлари Тирион Ланнистер ролида Питер Динклейждан бошқа актёрни кўра олишмаган. Динклейж эса ўз навбатда сериалга дўсти, Серсея ролини ижро этган Лина Хидини олиб келган.

 Гарвардда «Тахтлар ўйини» ўрганилади

Гарвардда «Ҳақиқий ‘Тахтлар ўйини’: замонавий афсоналардан ўрта аср моделларига қадар» махсус курси ўтилади.