Венесуэла ўз нефти баҳосини долларда белгилашда воз кечди ва бунинг учун юанни қўллай бошлади. Бу ҳақда мамлакат президенти Николас Мадуро маълум қилди, дея хабар беради «ТАСС».
«Биз барча маҳсулотларни валюта саватчасидан фойдаланиб сотяпмиз. Нефть баҳоси юанда белгиланмоқда. Бунга мажбур қилишди. Уч ҳафта олдин АҚШ президенти Дональд Трамп Венесуэлага қарши ноқонуний, асоссиз санкциялар жорий этди. Ҳозир нефть масаласида АҚШда бир нечта суд кетмоқда, санкциялар туфайли бизга тўлаб беришолмаяпти», — деб таъкидлади Мадуро.
Ўтган ҳафтада Мадуро Венесуэла «доллардан озод бўлиш» учун халқаро ҳисоб-китобларда юан, евро, иена, рупия ва бошқа валюталардан фойдаланиш ниятида эканлигини билдирганди.
Изоҳ (0)