Huawei Tech Investment Tashkent компанияси, жамоатчилик билан ишлашга ихтисослашган Maslov PR Tashkent агентлиги ҳамда Фарғона вилояти журналистлар уюшмаси ҳамкорлигида Фарғона водийси журналистлари учун махсус тренинг ташкил қилди. Уюшма биносида ўтган тадбирда, Андижон, Наманган, Фарғона вилоятларидан, жами 25 нафардан зиёд ОАВ вакиллари иштирок этди.
Тренингдан асосий мақсад, журналистларга PR ва коммуникациялар соҳасида мавжуд бўлган янги трендлар ҳақида хабар бериш, катта корпорация ва бизнес тизимлари ҳамда давлат муассасалари матбуот хизматлари билан тўғри ҳамкорликни ўрнатишни ўргатиш, шунингдек Huawei компаниясининг Ўзбекистонда амалга ошираётган ижтимоий лойиҳалари борасида маълумот беришдан иборат.
«Мамлакатимизда катта ўзгаришлар амалга оширилмоқда. Янги қулайликлар яратилмоқда ва турли бизнес йўналишлари учун янги имкониятлар берилмоқда. Телекоммуникация соҳаси жуда тез ривожланяпти ва истагимиз вилоят ОАВ янги технологиялар борасида хабардор бўлсин ҳамда янги даврга тайёр турсин. Ўзбекистонда фаолият юритаётган катта компаниялар ва энди иш бошлаётган ташкилотлар учун, ОАВ вакиллари билан тўғридан-тўғри алоқани йўлга қўйиш жуда муҳим. Ўз ўрнида биз каби йирик халқаро компаниялар ҳам, журналистлар фаол бўлишини ва ўзлари ижод қилаётган таҳририят ёки муассасада иш сифатини оширишини истайди. Оммавий ахборот воситалари қанчалик профессионал бўлса, аудиториянинг савияси ҳам шунчалик ошади ва материаллар янада сифатли бўлиб, «тўртинчи ҳокимият» янада муҳимроқ аҳамият касб эта бошлайди ва бу ўз навбатда давлат органларини янада масъулиятлироқ бўлишга ундайди», — дея таъкидлади Huawei компанияси матбуот котиби Даврон Азизов.
Айтиб ўтиш жоизки, бу каби сайёр тренинг Huawei учун илк тажриба бўлгани сабаб, компания вакиллари халқаро тажрибага эга бўлган PR-агентликни ҳамкорликка чақирган.
«Бизнинг компаниямиз Ўзбекистонда 2008 йилдан бери фаолият юритиб келади ва деярли барча оммавий ахборот воситалари билан алоқага эга. Асосий мақсадимиз журналистларга эски удум бўлган — қуруқ пресс-релизлар ва умумий маълумотлар билан чегараланиб қолмасликни тушунтиришдир. Ривожланган мамлакатларда пресс-релиз ёки ахборот индивидуал ишланиб, махсус саволлар, далил ва таҳлилий маълумотлар билан бойитилади ҳамда материалга сайқал берилиб, аудитория учун янада қизиқарли қилиб тайёрланади. Вилоятларда фаолият юритаётган кўпчилик журналистлар, айниқса, босма нашрлар уларни кам одам ўқишидан нолийди. Биз мазкур тренинг доирасида, журналистларга уларнинг материаллари янада информацион бўлиши учун нима талаб қилинишини, ҳамда матбуот хизматлари билан қандай қилиб алоқа ўрнатиб, муштарийлар учун қизиқ бўлган хабарларни тайёрлаш услублари ҳақила маълумот берамиз», — дейди Maslov PR Tashkent агентлиги директори Барно Назарзода,
Фарғона вилояти журналистлар уюшмаси раҳбари, таниқли журналист Муҳаммаджон Обидовга кўра, бу каби тренинглар жуда муҳим аҳамиятга эга бўлиб, ОАВ вакилларининг профессионалик даражасини ошишига хизмат қилиши мумкин.
«Биз Huawei компанияси айнан Фарғонада бу каби тадбирни ташкил этаётганидан мамнунмиз. Фарғонда 100 га яқин медиа-ресурслар мавжуд бўлиб, ижодкорлар анча кўп ва улар янги технологиялар ҳақида билишга чанқоқ ҳамда ҳамиша замон билан ҳамнафас бўлиб юришга тайёр», — деди Муҳаммаджон Обидов.
Маълумот ўрнида шуни айтиб ўтиш лозимки, тренинг сўнггида Huawei компанияси томонидан «Телекоммуникация ва мобил технологиялар соҳасидаги энг яхши материал» танлови эълон қилинди. Энг қизиқ, кўп ўқувчи олиб келган материал муаллифлари Хитойга, компания томонидан ташкил қилинадиган медиа турга бориш имконини қўлга киритади.
Реклама ҳуқуқи асосида
Изоҳ (0)