Ўзбекистон футбол федерациясига янги президент сайланди. Эндиликда уни Умид Аҳмаджонов бошқариб боради.
Аҳмаджонов бунга қадар «Пахтакор» вице-президенти сифатида фаолият олиб бораётган ва унинг янги президенти Бобур Шодиевга кўмак бераётганди. «Пахтакор»га қадар Умид Аҳмаджонов Миллий Паралимпия қўмитаси раисининг биринчи ўринбосари лавозимида фаолият олиб борган.
Умид Аҳмаджонов ЎФФ президентлиги учун ягона номзод бўлгани айтиб ўтилди. Сайлов ҳуқуқига эга бўлган 80 делегатдан 76 нафари унинг номзодини қўллаб-қувватлади. Бу 100 фоизлик кўрсаткич деганидир. Чунки делегатларнинг 4 нафари узрли сабабларга кўра ҳисобот-сайлов конференциясига кела олмади.
Бунга қадар ЎФФ президенти сифатида фаолият олиб борган Мираброр Усмонов эса ваколатларини топширди. У аввалроқ Миллия Олимпия қўмитаси президентлигини «Ўзбекнефтегаз» раҳбари Алишер Султоновга топширганди.
Мирабор Усмоновнинг Ўзбекистон спортидаги расмий ваколатлари шу тариқа расман якунига етди.
Изоҳ (0)