Facebook ижтимоий тармоғидаги Санжарбек исмли фойдаланувчи автомобилини ювишга олиб кирганида ўзи билан содир бўлган таъсирли воқеани ўз саҳифасига жойлаштирди.
Миробод тумани ИИБ яқинидаги собиқ трамвай круги ёнида жойлашган «мойка»га машинамни ювишга олиб кирдим.Машинамни ювиш учун йигитларга қолдириб, ўша ердаги кафега салқин ичимлик ичгани кирдим. Орадан 10 дақиқа ўтиб машина ювувчи йигит олдимга кириб, 50 доллар пул узатиб «ака, пулингизни олиб қўйинг» деди. Мен бўлсам бу қанақа пуллигини эслай олмай қаердан олганини сўрадим. У машинанинг ўриндиғи тагидан чиққанини айтди.
Кейин эсладим, бир пайтлар машина полигининг тагига яшириб қўйган пулим экан.
Хуллас, ўша «мойка»да ишлайдиган шу йигитга тарбия берган ота-онасига раҳмат. Ўзи арзимаган пулга иссиқни иссиқ, совуқни совуқ демай ишлайдиган йигит шунчалик ҳам ҳалол бўладими?!
Ахир секингина ўзига олиб қўйганида билмай қолардим-ку. Билсам ҳам ўз кўзим билан кўрмаганим учун тухмат қилмаган бўлар эдим-ку.
Воқеадан жуда таъсирландим. Қойил ҳақиқий эркак, қойил ўзбегимнинг ҳалол йигити!
Изоҳ (0)