Лео Бокериянинг Ислом Каримов ҳақидаги хотиралари, Тошкентда беллашаётган МДҲ кинологлари, Ўзбекистонда энг кенг тарқалган қаллоблик усуллари ва куннинг бошқа муҳим хабарлари

12 сентябрнинг эътиборга молик янгиликлари — «Дарё»нинг кечки дайжестида.

1. Лео Бокерия: Ислом Каримовни асраб қолишнинг имкони йўқ эди. Бакулев номли юрак-қонтомир жарроҳлиги илмий маркази директори, Россия тиббиёт фанлари академияси академиги Лео Бокерия Ўзбекистоннинг Биринчи Президенти Ислом Каримов билан боғлиқ хотираларини ўртоқлашди.

2. МДҲнинг энг сара кинологлари Тошкентда беллашмоқда (видео). Тошкентдаги Миллий кинология марказида 12 сентябрь куни МДҲ мамлакатлари божхона маъмурияти кинология хизматларининг кўпкураш бўйича VII мусобақаси старт олди.

3. Ҳуқуқ-тартибот вакиллари Ўзбекистонда энг кенг тарқалган қаллоблик услублари ҳақида маълумот берди. Ҳуқуқ-тартибот органлари вакиллари фуқароларни огоҳликка чақирди.

4. Ўзбекистон меҳмонхоналари тўловларни фақат сўмда қабул қилади. 5 сентябрдан бошлаб меҳмонхоналар хорижлик фуқароларга ва фуқаролиги йўқ шахсларга, жумладан, туристик фаолият кўрсатувчи субъектларга кўрсатган хизматлари учун тўловларни миллий валютада қабул қилади. Тўлов халқаро пластик карталар орқали амалга оширилган вазиятларда истисто қилинади.

5. Demir Group компанияси «Чорсу» меҳмонхонаси базасида туристик комплекс қурилишига 33 миллион доллар киритади. «Чорсу» меҳмонхонаси тўлиқ қайта қурилиб, унинг ўрнига замонавий меҳмонхона ва бизнес маркази қурилади.