Дубай амири Муҳаммад бин Рашид ал-Мақтум Гаитига гуманитар юк жўнатишга кўрсатма берди. Бу ҳақда UAE Inside хабар бермоқда.
«Ирма» довули Жанубий Америка томон ҳаракатланаётгани ҳақидаги тахминлардан келиб чиқиб БМТ йўллаган сўровдан сўнг шундай топшириқ берилди. Яқин кунларда довул зарбаси Доминика, Пуэрто-Рико, Гаити ва Кубага қаратилиши кутилмоқда.
Гуманитар юк ўз ичига 90 тонна биринчи эҳтиёж воситаларини олгани ва умумий қиймати 712,5 минг дирҳамга (194 минг доллар атрофида) тенг эканлиги билдирилмоқда.
Изоҳ (0)