Яқинда Хитойда, 5-дан 7 сентябргача Шанхайда, Huawei Connect 2017 (Huawei бирлаштиради) халқаро саммити ўтказилади. Ушбу тадбир анъанавий корпоратив етакчи флагман конференцияси бўлиб, йил сайин жамоатчилик ва АКТ-тармоғи иштирокчилари орасида катта қизиқиш уйғотмоқда.
Биринчи асосий сўз: технологик тўпламларнинг намойиши
Huawei компанияси олимларининг фикрича, инсон жамияти ахборотдан интеллектуалгача эволюцияси жараёнида коммуникация ва булут тушунчалари ривожланган ва маданиятли жамият қуришнинг муҳим жиҳатига айланади. Шу мақсадда жорий йилнинг март ойида Huawei янги Cloud BU бўлинмасини таъсис этди.
Huawei Connect 2017 конференциясида Cloud BU бир қатор янги маҳсулотлар ва хизматларини намойиш қилади. Мазкур бўлинма қисқа муддатда ташкил этилганига қарамай, Huawei ушбу бозорга чиққан биринчи Хитой корхоналаридан бири ҳисобланади. Бундан 10 йил аввалоқ компанияда булутли ҳисоблашни виртуаллаштиришни ўрганувчи бўлим ташкил этилганди. Шу вақт мобайнида мижозларга хизмат кўрсатиш жараёнида Huawei булутли ҳисоблаш соҳасида кўплаб ижобий натижалар ва тажриба тўплади.
«Саммит фаолияти доирасида Cloud BU ўз технологик базаси, ишланмалари ва ҳамкорлар билан биргаликда эришилган ютуқларини намойиш этади», — дейди Huawei Cloud BU вице-президенти, жаноб Чжэн Дянхай матбуот анжуманларидан биридаги чиқишида.
Унинг айтишича, бу конференцияда Huawei Cloud BU корпоратив мижозларга мўлжалланган ва 2.0 версиядаги дастурий таъминотни ишлаб чиқишда яхши таниш бўлган сунъий идрок (АI) дан фойдаланувчи булутли сервисини илк бора тақдим этади.
Шунингдек, интеллектуал маҳсулотлардан ташқари Huawei турли сервис хизматлари, жумладан, доимий эътиборга лойиқ инновацион булутли ечимларни ҳам намойиш этади. Бу ечимлар эскирган IT-тизимлардан оммавий булутга равон ўтиш имкониятини беради. Бундан ташқари Huawei’нинг интеллектуал булутли аппарат платформаси ушбу саммитнинг бош сабабчиси бўлмоғи зарур.
HC-2017 да Huawei’нинг янги тармоқли маҳсулот линейкаси тармоқ ечимлари сериясини, шу жумладан рақамли саноат парки яратишга қаратилган CloudCampus, маълумотларни қайта ишловчи оддий булутли марказлар тармоғини ташкил қилишга мўлжалланган CloudFabric, корхоналар ўртасида тармоқаро ҳамкорликни амалга оширувчи ечимларнинг янги авлоди SD-WAN ва Wi-Fi’нинг кейинги авлодини ҳам чиқаради.
«Биз ўз ҳамкорларимиз билан маълумотлар оқимининг яшовчанлигини кўрсатиш учун ишлаймиз», — деди Huawei тармоқли маҳсулотлар линейкаси бўлинмаси вице-президенти Ли Сянсзюн.
Иккинчи асосий сўз: бизнес-муаммолар ечими
Ўтган йилги HC конференциясида, Huawei асосий эътиборни булутга оид ўз ғоялари ва қарашларини тарқатишга жамлаганди, бу сафар эса бу ғоялар ва қарашларни Huawei конкрет мисоллар ёрдамида қўллаб-қувватлашга умид қилмоқда.
«Ўтган йили биз булут концепциясини илгари сургандик, бу йил – булутни амалда қўллаш ва рақамлаштириш, булут, IoT ва сунъий идрокни қўллаш орқали бизнес муаммоларни ҳал этишга кўпроқ эътибор ажратилади», — дея изоҳ берди Huawei’нинг маркетинг бўйича вице-президенти Суо Даюн. Ўтган йили «Why» —«Нимага» деган саволга жавоб излагандик, бу йил эса «What i How» («Нима ва Қандай») хусусида сўз юритамиз».
Бу йилги спикерлар ҳам турли туман, улар ҳар хил мамлакатлар ҳукуматини, молиявий корпорациялар, ишлаб чиқариш сектори, логистика ва бошқа соҳалар вакилларидир. Шу билан бирга бу ерда ҳам «Компаниялар Топ-500»га кирувчи, ҳам кичик ва ўрта корхоналар вакилларини ҳам учратиш мумкин.
Масалан, CЕО ёки рақамлаштириш ва булутли ҳисоблаш технологиясини қўллаш, катта маълумотлар ва сунъий идрок соҳаларида сезиларли ютуқларга эришган корхоналарнинг асосчилари сўзга чиқиб, ўз бизнесларининг тарихи ҳақида гапириб беришади. Булар — Pacific Insurance, ABB China, DHL, China Soft International, SkyREC, China Telecom ва Оfо компанияларидир.
Ушбу тадбирнинг кўлами жуда улкан. Фикр алмашиш ва бизнес учун янги имкониятлар излаш мақсадида HC—2017 да 150 дан ортиқ мамлакатлардан 20 минг нафар бизнес-етакчилари, эко-ҳамкорлар ва турли тармоқларнинг раҳбарлари учрашади.
Конференция мавзуси бизнес, технологиялар ва булутли даврнинг экологик стратегияларини қамраб олган бўлиб, улар орасида учта асосий нутқ, олий даражадаги 6 та учрашув ва 140 дан зиёд маърузалар бор.
Кўргазма павилонларида ташриф буюрувчилар Microsoft, Intel, SAP, Accenturе каби 400 дан ортиқ ҳамкорларнинг маҳсулотлари ва ечимларини кўришлари мумкин бўлади.
Учинчи асосий сўз: глобал ҳамкорлик учун платформа яратиш
Телекоммуникация тармоғининг етакчиси бўлмиш Huawei ҳеч қачон бозорда «якка қаҳрамон» бўлмаган. Huawei Connect саммитини ўтказишдан мақсад – шу соҳада ҳамкорлик қилиш учун глобал платформа яратиш, АКТнинг барча тармоқларида маҳсулдорликни ва инновацион потенциални илгари суриш ҳамда у ёки бу жамиятнинг ижтимоий тараққиётига кўмаклашишдан иборат.
Уч кунлик учрашувлар давомида Huawei атайин бир кунни экология мавзуси учун ажратади. Ўша вақтгача Huawei топ-менежерлари Ян Лида ва Чжан Шунмао томошабинларни экологияни яратиш тўғрисидаги корпоратив стратегия билан таништириб бўлади, шунингдек, ушбу мавзуга бағишланган бир қатор тадбирлар ташкил қилинади.
Кўргазма залида экология мавзусига бағишланган алоҳида экспозиция бор. Унда булутли ечимлар, ОpenLab ва тармоқ альянси стендлари ўрин олган бўлиб, уларда турли тармоқлар учун ҳаётий зарур масалаларни ечишнинг сценарийси ва амалиёти намойиш қилинади.
Ҳамкорлар билан бир қаторда Huawei ихтирочиларга ҳам алоҳида эътибор қаратади, уларга атаб конференцияга ташриф буюриш учун махсус йўл харитаси тузилган.
Экологик қурилишни мустаҳкамлаш мақсадида Huawei’да экологияни ривожлантириш ва ҳамкорлар департаменти ташкил этилиб, у шериклар билан ҳамкорликни мувофиқлаштириш ва кучайтириш учун масъулдир.
Яқинда Huawei ва Chinа Securities International, шунингдек, Чжубацзе компанияси ҳамкорлик келишувини имзолади. Келажакда Huawei ҳамкорлари давраси турли йўналишдаги яна 10-20 шериклар билан тўлади.
«Huawei ҳамкорлар билан муносабатни барқарор ривожланиш асосидаги очиқ ва ўзаро манфаатли ҳамкорлик негизида кучайтиришга умид қилади», — деб таъкидлади Суо Даюн.
Батафсил ушбу анжуман тўғрисида: http://www.huawei.com/en/events/huaweiconnect2017/about
Реклама ҳуқуқи асосида!
Изоҳ (0)