Ўзбекистонда ўртача умр кўриш 1990 йилда 67 ёшни ташкил қилган бўлса, ҳозирги кунга келиб 73,5 ёшга, аёлларники эса 75,8 ёшга етди. Мамлакатда 80 —90 ёшга, ҳатто юз ёшга етган қариялар сони тобора ошмоқда. Маълумотларда қайд этилишича, аҳоли сонига нисбатан олинганда Ўзбекистон 100 ёшдан ошган фуқаролари бўйича дунёда 3-ўринда туради, деб ёзмоқда ЎзА.
2010—2015 йилларда мамлакатда ёлғиз кексалар, пенсионерлар ва ногиронларга кўрсатилаётган тиббий-ижтимоий ёрдамни кучайтиришга қаратилган қатор ишлар амалга оширилди. Жумладан, кексалар ва пенсионерларга мўлжалланган 12 та Саховат ва Мурувват уйи моддий-техник базаси, 14600 нафар ёлғиз кекса, пенсионер, ногироннинг турар жой шароитлари яхшиланди. 5400 нафар нуроний реабилитация техник воситалари ва протез-ортопедия маҳсулотлари билан таъминланди, 6400 нафар ногирон ва пенсионер санаторияларда соғлиғини тиклади.
Ўзбекистоннинг турли ҳудудларида истиқомат қилувчи Иккинчи жаҳон уруши қатнашчиларининг ҳаж зиёратига бориш истаги ҳамда инобатга олиниб, илгари ҳаж зиёратига боролмаган ва бунга имкони бўлмаган 70 дан ортиқ уруш фахрийси жорий йилда давлат маблағлари ҳисобидан ҳаж сафарига юборилди.
Изоҳ (0)