Dunyoning eng mehmondo‘st davlatlari ro‘yxati e’lon qilindi. O‘zbekiston 96-o‘rinda

Afrikaning Komora orollari dunyodagi eng mehmondo‘st davlatlar orasida birinchilikni egalladi, deb xabar berdi Passport Index portali.

Reytingda 103 ta davlat ishtirok etgan bo‘lib, ro‘yxat mamlakatlar qancha boshqa davlat fuqarolarini vizasiz qabul qila olishiga, mamlakatga kelishi bilan viza tayyorlab berishi yoki kirishi uchun elektron ruxsatnoma taqdim etilishidagi yengilliklar asosida tuzilgan.

Komoraga dunyoning 198 davlatida istiqomat qiluvchi barcha fuqarolar qiyinchiliksiz tashrif buyurishi mumkin. Komora bilan bir qatordan Kot-d’Ivuar, Gvineya-Bisau, Madagaskar, Maldiv orollari, Mikroneziya, Mozambik, Samoa, Seyshel orollari, Sharqiy Timor, Tuvalu va Uganda davlatlari ham joy olgan.

Ikkinchi pog‘onada esa 197 davlat fuqarolariga viza rejimlarini yengillashtirgan Kabo-Verdi hamda Dominikan Respublikasi joylashgan. Uchlikka 196 ko‘rsatgichi bilan Palau yakun yasadi.

Rossiya ushbu reytingdan 83-o‘rinni egalladi. Ushbu mamlakatga 42 ta davlat fuqarolarining kirishiga yengillik yaratilgan.

O‘zbekiston esa 9 ko‘rsatgichi bilan 96 o‘rinni egalladi.