БМТнинг Бурундидаги вазиятни ўрганиш бўйича комиссияси мамлакат расмийлари инсониятга қарши жиноятлар содир этганини аниқлади. Коммиссия ҳисоботига кўра, ҳукумат қўшинлари мухолифат вакилларини ўлдирган ва қийноққа солган, дея хабар беради Meduza.
Бурунди расмийлари ушбу жиноятларни текширишга ҳаракат қилаётгани йўқ. БМТ Халқаро жиноий судни Африкадаги мазкур давлат раҳбариятига нисбатан иш қўзғашга чақирди.
БМТ Бурундида 2015 йили сиёсий танглик бошланганидан бери 500 дан 2 минг кишигача ўлдирилгани, тахминан 400 минг киши уйини тарк этишга мажбур бўлганини билдирди.
Маълумот учун, 2015 йил апрелида Бурунди президенти Пьер Нкурунзиза давлат раҳбари лавозимига қаторасига учинчи маротаба сайланиш ниятини билдирган, бу эса президентни конституцияни бузишда айблаган мухолифат норозилигига сабаб бўлганди.
Изоҳ (0)